Таямніцы «Двух акіянаў» сталі даступныя дзецям і моладзі сталіцы

  2025.10.11

11 кастрычніка ў сталічным гандлёва-забаўляльным цэнтры «Чэрвеньскі» адбылося адкрыццё інтэрактыўнага музея «Два акіяны», на пляцоўках якога прадстаўлены каля трохсот экспанатаў дзвюх унікальных экспазіцый «Субмарына» і «Космас і сусвет».

Арганізатар праекта — заснавальнік і дырэктар Цэнтра акіянаграфі і «Адкрыты акіян» Аляксей Азараў, партнёрамі выступілі Нацыянальная акадэмія навук Беларусі, Міністэрства адукацыі Рэспублікі Беларусь, Нацыянальны дзіцячы тэхнапарк, Беларускі саюз ваенных маракоў, беларускія палярнікі і даследчыкі.

— Колькасць экспанатаў нашага праекта будзе пастаянна павялічвацца. Многія экспанаты можна будзе не толькі разгледзець, але і пакратаць рукамі, што будзе цікава ў першую чаргу нашым маленькім наведвальнікам. Таксама шырока прадстаўлены прадстаўнікі марской і прэснаводнай экасістэм: блакітны каралеўскі хірург, крылатка, рыба-леў, рыба фугу і інш. У бліжэйшых планах значнае пашырэнне раздзелаў экспазіцый, звязаных з палётам беларускіх касманаўтаў і ваеннымі маракамі-беларусамі. Запрашаем дзяцей і дарослых у музей. Абяцаю-будзе цікава, — расказаў чытачам анлайн-выдання газеты «Звязда» Аляксей Азараў.

Віктар Іванчыкаў

Фота: Віктар Іванчыкаў

В источнике: https://zviazda.by/media/foto/tayamnitsy-dvukh-akiyana-stali-dastupnyya-dzetsyam-i-moladzi-stalitsy/?sphrase_id=73935